对于宫廷戏有种迷之痴迷嘅圈妹而言，印象最深刻，亦都系最中意嘅，莫过于很多年前睇嘅TVB宫廷戏（一唔小心又暴露咗年龄(￢_￢)），后宫嘅争斗，你死我活，甚至有D剧集睇咗三四次都仲系好过瘾。
而呢D宫廷戏入边永远都会有一个角色，令人恨之入骨，睇果阵真系想跳落电视度打残佢。佢地就係--奸妃。圈妹今日就嚟同大家数数，我地呢几年追得好过瘾嘅奸妃角色。
《金枝欲孽》如妃
邓萃雯饰演嘅如妃真系将“奸”上升到一定嘅境界。如妃权倾后宫，深得皇帝欢心，霸气逼人，心狠手辣，一个眼神，一个举动都渗透住一个“奸”字。当年睇呢部戏，只要见到如妃嘅奸笑，心入边就好惊，唔知接落嚟会发生D咩事。邓萃雯嘅演技真系无得弹。
除咗奸，邓萃雯嘅如妃仲好狠，为咗再次得到皇帝嘅宠爱，不惜利用自己亲生女嘅死去博同情，其实呢句话咁讲同样有道理，可恨之人亦有可怜之处。
《宫心计》姚金铃
从一个单纯天真的细路女，遭遇到种种不公，慢慢变成一个俾妒忌心蒙蔽双眼，满腹奸计不择手段嘅丽妃，最后落得一个失心疯嘅下场。虽然圈妹觉得杨怡嘅古装造型唔算出众，但系係呢部戏入边嘅丽妃造型真心满分，再加上佢本人演绎丽妃恶毒同埋奸嘅眼神，真系奸出汁！
讲到杨怡，又霖到佢另外一部电视剧《后宫》，佢饰演嘅万贵妃同样奸到无人性，直情就想兜巴升过去。娇宠善妒，心狠手辣，排挤其他妃嫔，同太后斗气，自己嘅皇子夭折后，逼其他妃嫔打胎，毒害其他皇子，真系奸恶到无人性。
《无头东宫》凌云/楚楚
呢出戏圈妹真系睇咗好多次，甚至有段时间觉得入边果个皇帝特别靓仔（迷之欣赏→_→）。向海岚因为呢个角色而被网友戏称为“无线第一奸妃”，仲因为呢部戏开始踏入咗“奸妃”呢条不归路。奸到俾人定晒型，真系又喜又愁咯。
戏入边善良如天使嘅凌云，成面麻子依然靓得好出众，但点知换咗块面饰演品行恶劣嘅楚楚，无恶不作，简直妖孽，奸到简直一部教科书。当年睇戏一见到佢就想砸烂部电视。而向海岚係入边两个角色切换自如，演技实力有目共睹。
而係另外一部戏《胭脂水粉》入边，向海岚饰演一个为复仇不惜使计害人嘅宋云裳。呢个咁嘅眼神，似笑非笑，实际上充满仇恨，好似系度问“你几时死啊”，好得人惊！
仲有呢种充满幽怨嘅小眼神，起晒鸡皮...
唔好以为人地只系演古装啊，现代剧同样hold得住奸角。如果话《无头东宫》入边嘅向海岚奸妃形象嘅开始，咁《刑事侦缉档案IV》就係奠定佢亚“奸妃第一人”嘅地位。佢又真系係奸妃呢条路上越行越远，点拉都拉唔翻，如果你话圈妹知佢准备拍一部唔系奸角嘅戏，咁我可能无办法好好咁睇戏喇。
《封神榜》苏妲己
一讲到妲己，圈妹心目中演得最好最经典嘅，非温碧霞呢个版本莫属。历史上记载嘅苏妲己系一个难得一见嘅绝色美女，而温碧霞饰演的呢个妲己奸得够靓够真够心机够晒味。听讲有次去云南拍戏，一个七八岁嘅细路认出佢，一直唔敢靠近。
前期嘅苏妲己善良活泼，知书达理，对伯邑孝一往情深。但入宫之后性情大变，攻于心计，心狠手辣，残害忠良，但又非常讨纣王欢心。纣王由于沉迷佢嘅美色，荒废朝政，对佢又言听计从，最后商朝灭亡。
《刀下留人》万贵妃
如果净係听到康华呢个名，可能有好多人唔知佢係边个，但系一见到佢嘅样就只喇。佢係旧年嘅TVB戏《刀下留人》入边饰演万贵妃，霸气横行，妒忌心强，控制欲强，仲搞埋母子恋，奸得嚟又好有女人味。虽然只系一个配角，但依然深得观众心。
今年已经44岁嘅康华，因为一直都保养得好好，更被网友封为“最正奸妃”。演奸妃演得咁有民心又真系唔容易喇。
《万凰之王》皇后
胡杏儿饰演嘅佟佳沅宛被称为TVB史上最可怜的皇后。点解咁讲？佢嘅恶毒、妒忌，全都系因为爱嘅皇帝老公最爱嘅人唔系佢，为咗赢得皇帝嘅心不惜一切手段去害皇帝最爱嘅女人，但害人终害己...
凶狠嘅眼神、恶毒嘅言行，仲有果个浓得好似无办法卸嘅妆容，呢个奸诈嘅女人真系令人不寒而栗，又可怜又可恨......
《万凰之王》静妃
虽然胡杏儿凭呢部戏摞咗视后，但系胡定欣係入边嘅演绎不输于佢。同样系奸，但胡定欣嘅奸有种奋进嘅感觉，从笑到哭里，眼入边满满都系戏。
盘点完呢D“奸妃”
圈妹决定再翻翻呢几部戏来睇
虽然TVB宜家都有出新剧
但就搵唔翻当年睇嘅果阵感觉
你哋呢，最中意睇边部戏嘅奸妃呀
不妨到下方留言区话比圈妹知哦~
转载请联系：广州生活美食圈
－－－－－－－－－－－－
欢迎点击底部按钮分享给朋友们一起看看...
添加微信公众号（gzlife88，长按可复制），关注更多分享。
- 随机文章
